ಶಾಲಾಗಣಿತದಲ್ಲಿ ಸೃಜನಶೀಲತೆಯನ್ನು ಬೆಳೆಸುವುದು ಹೇಗೆ? ಕೆಲವು ಚಿಂತನೆಗಳು

ಶಾಲೆಗಳಲ್ಲಿ ಗಣಿತ ವಿಷಯದಲ್ಲಿ ನೈಜ ಆಸಕ್ತಿ ಹೊಂದಿರುವ ವಿದ್ಯಾರ್ಥಿಗಳ ಸಂಖ್ಯೆ ಬಹಳ ಕಡಿಮೆ. ಇದಕ್ಕೆ ಕಾರಣ ಸೃಜನಶೀಲತೆಯ ಕೊರತೆಯುಳ್ಳ ನಮ್ಮ ಪಠ್ಯಕ್ರಮ, ಬೋಧನಾ ಪದ್ಧತಿ ಮತ್ತು ಮೌಲ್ಯಮಾಪನಗಳ ವಿಧಾನ. ಸೃಜನಾತ್ಮಕವಾಗಿ ಕಲಿಸಲು ಬಳಸಬಹುದಾದ ಕೆಲವು ಚಟುವಟಿಕೆಗಳನ್ನು ಪ್ರಚಲಿತ ಪಠ್ಯಪುಸ್ತಕಗಳ ಆಯ್ದ ಭಾಗಗಳಿಂದ ಉದಾಹರಣೆಯಾಗಿ ತೆಗೆದುಕೊಂಡು ಸೃಜನಶೀಲತೆಯ ಮಹತ್ವವನ್ನು ಈ ಲೇಖನದಲ್ಲಿ ಮಂಡಿಸಲಾಗಿದೆ. ಇನ್ನಷ್ಟು ಚಟುವಟಿಕೆಗಳನ್ನೂ, ಪಾಠಯೋಜನೆಯನ್ನೂ ಸೇರಿಸುವ ಅಗತ್ಯವನ್ನು ಸಾರುತ್ತಾ, ಸೃಜನಶೀಲತೆಯನ್ನು ಇನ್ನಷ್ಟು ಆಳವಾಗಿ ಮತ್ತು ನಿಖರವಾಗಿ ವ್ಯಾಖ್ಯೆಗೊಳಿಸುವ ಉದ್ದೇಶವನ್ನು ಈ ಲೇಖನ ಹೊಂದಿದೆ.