ಮೂಲಭೂತ ರಾಷ್ಟ್ರೀಯ ಶಿಕ್ಷಣ: ಜಾಕಿರ್ ಹುಸೇನ್ ಸಮಿತಿಯ ವರದಿ

1938ರಲ್ಲಿ ತಯಾರಿಸಲಾದ ಮೂಲಶಿಕ್ಷಣ ವರದಿಯು ಜಾಕಿರ್ ಹುಸೆನ್ ರ ವರದಿಯೆಂದೇ ಪ್ರಸಿದ್ಧಿಯಾಗಿದೆ. ಮಹಾತ್ಮ ಗಾಂಧಿಯವರ ಶಿಕ್ಷಣದ ಚಿಂತನೆಯಿಂದ ವರದಿಯು ಪ್ರಭಾವಿತವಾಗಿದೆ. ಈ ವರದಿಯು 1937ರಲ್ಲಿ ನಡೆದ ವಾರ್ಧಾ ರಾಷ್ಟ್ರೀಯ ಶಿಕ್ಷಣ ಸಮ್ಮೇಳನದಲ್ಲಿ ಮಂಡಿಸಲಾದ ನಿರ್ಣಯವನ್ನು ಆಧರಿಸಿದೆ. ಈ ವರದಿಯಲ್ಲಿ ಗ್ರಾಮೀಣ ಹಿನ್ನೆಲೆಯ ಮಕ್ಕಳಿಗೆ ಏಳು ವರ್ಷಗಳ ಅವಧಿಯಲ್ಲಿ ಕಲಿಸಬೇಕಾಗಿರುವ ಪಠ್ಯಗಳ ವಿವಿರಗಳನ್ನೊಳಗೊಂಡ ಒಟ್ಟು ಐದು ವಿಭಾಗಗಳಿವೆ . ವರದಿಯ ಮುನ್ನುಡಿಯಲ್ಲಿ ಸ್ವತಃ ಮಹಾತ್ಮ ಗಾಂಧೀಜಿಯವರು ಸ್ಪಷ್ಟಪಡಿಸಿರುವಂತೆ, ಮಕ್ಕಳಿಗೆ ಅವರ ಬೆಳೆದು ಬಂದಿರುವ ವಾತಾವಾರಣಕ್ಕೆ ಪಕ್ವ ವಾಗಿರುವಂತೆ ಮತ್ತು ಅವರು ಪರಿಪೂರ್ಣ ವ್ಯಕ್ತಿತ್ವವನ್ನು ರೂಪಿಸಿಕೊಳ್ಳುವಂತೆ ಮಾಡುವ ಶಿಕ್ಷಣವನ್ನು ಕೊಡುವುದು ಈ ವರದಿಯ ಮುಖ್ಯ ಉದ್ದೇಶವಾಗಿದೆ.