ದಲೋರ್ ವರದಿಯ ಮರು-ಪರಿಶೀಲನೆ: ಭಾರತಕ್ಕಿರುವ ಪಾಠಗಳು

ಈ ಲೇಖನವು ದಲೋರ್‌ ವರದಿಯನ್ನು ಮರುಪರಿಶೀಲಿಸುತ್ತಾ, ಭಾರತ ಕಲಿಯಬೇಕಿರುವ ಪಾಠಗಳ ಬಗ್ಗೆ ಚರ್ಚಿಸುತ್ತದೆ. ಈ ವರದಿಯನ್ನು ಭಾರತೀಯ ಶೈಕ್ಷಣಿಕ ಸಮುದಾಯವು ಅಥವಾ ನೀತಿನಿರೂಪಕರು ಸ್ವೀಕರಿಸಲಿಲ್ಲ ಎಂಬುದನ್ನು ಈ ಲೇಖನವು ಉಲ್ಲೇಖಿಸುತ್ತದೆ. ಶೈಕ್ಷಣಿಕ ಆಡಳಿತ ನಿರ್ವಹಣೆ, ವಿಕೇಂದ್ರೀಕರಣ ಮತ್ತು ಖಾಸಗಿ-ಶೈಕ್ಷಣಿಕ ವಲಯದಲ್ಲಿ ಸಾರ್ವಜನಿಕ ಭಾಗೀದಾರಿಕೆಯ ಸವಾಲುಗಳ ಬಗ್ಗೆ ಈ ವರದಿಯು ಏನೂ ಹೇಳದೆ ಇರುವುದು ಇದಕ್ಕೆ ಕಾರಣ ಎನ್ನುವುದನ್ನೂ ಲೇಖನವು ಪ್ರಸ್ತಾಪಿಸುತ್ತದೆ. ಎನ್‌ಸಿಎಫ್‌ ೨೦೦೫ ದಲೋರ್‌ ವರದಿಯ ಪ್ರಮುಖಾಂಶಗಳನ್ನು ಹೇಳುತ್ತದೆಯಾದರೂ, ಅದು ಕೇವಲ ಮಾಹಿತಿಯ ವಿನಿಮಯವನ್ನಷ್ಟೇ ಮಾಡುವುದರಿಂದ, ನಮ್ಮ ಶಿಕ್ಷಣ ವ್ಯವಸ್ಥೆಯಲ್ಲಿ ಈ ಅಂಶಗಳು ಕಾಣಲು ಸಿಗುವುದಿಲ್ಲ. ಹಾಗಾಗಿ ದಲೋರ್‌ ವರದಿಯ ಹಿನ್ನೆಲೆಯಲ್ಲಿ ಶಿಕ್ಷಣ ವ್ಯವಸ್ಥೆಯು ಮರುವಿನ್ಯಾಸಗೊಳಿಸಬೇಕಾದ ತುರ್ತನ್ನು ಈ ಲೇಖನದಲ್ಲಿ ಒತ್ತಿ ಹೇಳಲಾಗಿದೆ.