ಬಾಲ್ಯದಲ್ಲಿ ಲಿಂಗ ಆಧರಿತ ಹಕ್ಕುಗಳು

ಈ ಲೇಖನವು ತಾಯಿ ಮತ್ತು ಮಗುವಿನ ಆರೋಗ್ಯ ಹಾಗೂ ಆರೈಕೆ ಕುರಿತು ಚರ್ಚಿಸುತ್ತದೆ. ಶಿಶುಗಳ ಹಕ್ಕುಗಳು, ಹಾಲೂಡುವ ತಾಯಂದಿರ ಸಮಸ್ಯೆಗಳು, ಕಾಣೆಯಾಗುತ್ತಿರುವ ಹೆಣ್ಣು ಮಕ್ಕಳು, ಶಿಶು ಪಾಲನಾ ಕೇಂದ್ರಗಳು ಹೀಗೆ ನಾನಾ ಸಮಸ್ಯೆಗಳತ್ತ ಗಮನ ಹರಿಸುತ್ತದೆ. ಅದರೊಂದಿಗೆ ನಮ್ಮ ದೇಶದಲ್ಲಿ ಆಳವಾಗಿ ಬೇರು ಬಿಟ್ಟಿರುವ ಲಿಂಗ ತಾರತಮ್ಮದತ್ತಲೂ ದೃಷ್ಟಿ ಹರಿಸುತ್ತದೆ. ಗರ್ಭಾವಸ್ಥೆಯಲ್ಲಿರುವಾಗಲೂ ತಾಯಿಗೆ, ಆ ಮೂಲಕ ಮಗುವಿಗೆ ಸೂಕ್ತ ಆರೈಕೆ, ಪೌಷ್ಟಿಕ ಆಹಾರ ಸಿಗಬೇಕು ಇಲ್ಲದಿದ್ದರೆ ಕಡಿಮೆ ತೂಕದ ಮಕ್ಕಳು ಜನಿಸುತ್ತವೆ ಮತ್ತು ಮುಂದೆ ಆ ಮಕ್ಕಳ ಭವಿಷ್ಯ, ದೈಹಿಕವಾಗಿ, ಬೌದ್ಧಿಕವಾಗಿ ಕುಂಠಿತವಾಗುತ್ತದೆ. ತಾಯಂದಿರು ದುಡಿಮೆಗೆ ಹೋದಾಗ ತಮ್ಮ ಒಡಹುಟ್ಟಿದವರನ್ನು ನೋಡಿಕೊಳ್ಳಲು ಮನೆಯಲ್ಲಿ ಉಳಿದು ಶಾಲೆ ತೊರೆಯುತ್ತಿರುವ ಹೆಣ್ಣು ಮಕ್ಕಳ ವಿಷಯವನ್ನು ಮುನ್ನೆಲೆಗೆ ತರುತ್ತದೆ ಮತ್ತು ಈ ಎಲ್ಲ ಸಮಸ್ಯೆಗಳಿಗೆ ಪರಿಹಾರ ಕಂಡುಹಿಡಿಯಬೇಕಾದ ಅಗತ್ಯ ಮನಗಾಣಿಸುವುರೊಂದಿಗೆ ಸಲಹೆಗಳನ್ನು ನೀಡುತ್ತದೆ.