ವ್ಯಕ್ತ್ಯತೀತ ಮನೋವಿಜ್ಞಾನ

ವ್ಯಕ್ತಿಯ ಅನುಭವಗಳನ್ನೂ ಮೀರಿದ ಭೌತಾತಿತ ವಾಸ್ತವತೆಯನ್ನು ಅಭ್ಯಸಿಸುವುದು ವ್ಯಕ್ತ್ಯತೀತ ಮನೋವಿಜ್ಞಾನವಾಗಿದೆ. ಇದು ಅಧ್ಯಾತ್ಮ ಮತ್ತು ಮನೋವಿಜ್ಞಾನಗಳ ಸಮನ್ವಯವಾಗಿದೆ. ಇದು ಅಸ್ತಿತ್ವವಾದ, ಪರಾಮಾನಸವಾದ, ಮಾನವತಾವಾದಗಳಿಗಿಂತ ಭಿನ್ನವಾದ ನಾಲ್ಕನೆಯ ನೆಲೆಯಾಗಿದೆ. 1969 ರಲ್ಲಿ ಈ ವಿಷಯದ ಕುರಿತ ವಿದ್ವತ್‌ ಪತ್ರಿಕೆ ಪ್ರಾರಂಭವಾಯಿತು. ಕೆನ್ ವಿಲ್ಬರ್ ಈ ಕ್ಷೇತ್ರದಲ್ಲಿ ಕೆಲಸಮಾಡಿದ್ದು ನಂತರ ಇದನ್ನು ಬಿಟ್ಟು ‘ಅಖಂಡತೆ’ (ಇಂಟಗ್ರಲ್) ಉಪಗಮನ ಎಂದು ಬೇರೆ ಅಧ್ಯಯನ ಪ್ರಾರಂಭಿಸಿದ. ವಿಭಿನ್ನ ಮನೋವಿಜ್ಞಾನಿಗಳು ಇದರ ಕುರಿತು ನೀಡಿರುವ ವಿಭಿನ್ನ ವ್ಯಾಖ್ಯಾನಗಳನ್ನು ಇಲ್ಲಿ ಚರ್ಚಿಸಲಾಗಿದೆ. ಈ ಶಾಖೆಯಿಂದಾಗಿ ಧಾರ್ಮಿಕತೆಗೆ ಸಂಬಂಧಿಸಿದ ಸಮಸ್ಯೆಗಳು ಮನೋವಿಜ್ಞಾನಿಗಳ ಗಮನಕ್ಕೆ ಬಂದಿವೆ.