ಕಾರ್ಖಾನೆಗೆ ಅತೀತವಾದ ಜಾಗತೀಕರಣ, ಉತ್ಪಾದನೆಯ ಅನೌಪಚಾರಿಕೀಕರಣ ಮತ್ತು ಶ್ರಮದ ಹೊಸ ನೆಲೆಗಳು

ಈ ಪ್ರಬಂಧವು ಅನೌಪಚಾರಿಕೀಕರಣಕ್ಕೆ ಒಳಗಾದ ಸ್ವಯಂಉದ್ಯೋಗದ ವಿದ್ಯಮಾನವನ್ನು ಮತ್ತು ಕಾರ್ಮಿಕ ಚಳುವಳಿಗಳ ಸಂಭಾವ್ಯ ಹೊಸ ಸ್ವರೂಪಗಳನ್ನು ಕುರಿತ ಅದರ ಪರಿಣಾಮಗಳನ್ನು ಮುನ್ನೆಲೆಗೆ ತರುತ್ತದೆ. ಶ್ರಮದ ಹೊಸ ಸ್ಥಳವನ್ನು ನಿರೂಪಿಸುವ ಸಂಬಂಧದಲ್ಲಿ ಶ್ರಮಿಕನು ಇನ್ನೆಂದಿಗೂ ಮಿಗುತಾಯದ ಮೂಲವಲ್ಲ, ಬದಲಿಗೆ ಆತ/ಆಕೆ ಆರ್ಥಿಕ ಸಂಪನ್ಮೂಲದ ಅನಗತ್ಯ ಒಡೆಯ/ಒಡತಿ ಅಥವಾ ಅದನ್ನು ವಶದಲ್ಲಿಟ್ಟುಕೊಂಡಿರುವ ವ್ಯಕ್ತಿಯಾಗಿದ್ದು, ಬಂಡವಾಳದ ಪರಿಚಲನೆಯಲ್ಲಿ ಉಪಯೋಗಿಸಿಕೊಳ್ಳಲು ಆತನಿಂದ/ಆಕೆಯಿಂದ ಆ ಸಂಪನ್ಮೂಲಗಳನ್ನು ಬೇರ್ಪಡಿಸುವುದು ಅಗತ್ಯ. ಅವರನ್ನು ಕಾರ್ಮಿಕರನ್ನಾಗಿಸದೆ ಅಥವಾ ಶೋಷಿಸದೆ ಅವರು ಆಸ್ತಿಯನ್ನು ಕಳೆದುಕೊಳ್ಳುವಂತೆ ಮಾಡುವ ಪ್ರಕ್ರಿಯೆಯನ್ನು ಹೊರಗಿಡುವಿಕೆ ಎಂದು ಹೇಳಲಾಗುತ್ತದೆ. ಕೂಲಿ-ಕೆಲಸ ಮತ್ತು ಬಂಡವಾಳದ ನಡುವಿನ ರೂಢಿಗತ ವೈರುಧ್ಯವನ್ನು, ಬಂಡವಾಳ ಮತ್ತು ಮಿಗುತಾಯ ಶ್ರಮಿಕ ವರ್ಗದ ಮಧ್ಯದ ವೈರುಧ್ಯವು ಮರೆಮಾಡುತ್ತದೆ. ಕೂಲಿ-ಕಾರ್ಮಿಕವರ್ಗವನ್ನು ಶೋಷಿಸುವುದರ ಮೇಲೆಯೇ ಗಮನವನ್ನು ಕೇಂದ್ರೀಕರಿಸುತ್ತಿದ್ದ ವರ್ಗ ರಾಜಕೀಯವು, ಶ್ರಮವನ್ನು ಹೊರಗಿಡುವುದರ ಸುತ್ತಲೂ ರೂಪುಗೊಳ್ಳುತ್ತಿರುವ ಮತ್ತೊಂದು ಮಹಾನ್ ರಾಜಕೀಯ ಚಳುವಳಿಯನ್ನು ನಿರ್ವಹಿಸಲು ತನ್ನನ್ನೇ ಮತ್ತೊಮ್ಮೆ ಆವಿಷ್ಕರಿಸಿಕೊಳ್ಳಬೇಕಿದೆ.