ಪ್ರಾಥಮಿಕ ತರಗತಿಗಳಲ್ಲಿ ಭಾಷಾ ಶಿಕ್ಷಣದ ತಿಳಿವು

ಭಾಷೆಯೆಂದರೆ ಮೂಲತಃ ಏನು ? ಎಂಬ ಸಂಕೀರ್ಣ ಅನ್ವೇಷಣೆಯೊಂದಿಗೆ ಶುರುವಾಗುವ ಈ ಲೇಖನದಲ್ಲಿ ಪ್ರಾಥಮಿಕ ತರಗತಿಗಳಲ್ಲಿ ಭಾಷಾ ಶಿಕ್ಷಣ ಹೇಗಿರಬೇಕು? ಅದರ ಮಕ್ಕಳ ಭಾಷಾ ಕೌಶಲವನ್ನು ವಿಕಸಿತಗೊಳಿಸುವುದು ಹೇಗೆ ಎಂಬ ಪ್ರಶ್ನೆಗಳಿಗೆ ಉತ್ತರ ಹುಡುಕಲಾಗಿದೆ. ಇಂದು ಮಗುವು ಭಾಷೆಯನ್ನು ಅರ್ಥಮಾಡಿಕೊಳ್ಳುವಾಗ ಯಾವ ಯಾವ ಹಂತಗಳನ್ನು ದಾಟುತ್ತದೆ , ಅದರ ಉಪ ಅಂಗಗಳೇನು , ಹೇಳಿಕೊಡುವವರು ಈ ಪ್ರಕ್ರಿಯೆಯನ್ನು ಅರ್ಥಮಾಡಿಕೊಂಡು ಹೇಗೆ ಅದನ್ನು ಸರಳಗೊಳಿಸಬಹುದು ಎಂಬುದರ ಮೇಲೆ ಬೆಳಕನ್ನು ಚೆಲ್ಲುತ್ತದೆ . ಶಬ್ದ , ವರ್ಣ , ವ್ಯಾಕರಣಕ್ಕೂ ಮೀರಿದ ಭಾಷೆಯನ್ನು ಒಂದು ಮಗು ಸಮರ್ಥವಾಗಿ ಮೌಖಿಕ ರೂಪದಲ್ಲಿಯೂ ಪಠ್ಯ ರೂಪದಲ್ಲಿಯೂ ಅಭಿವ್ಯಕ್ತಿಸಬೇಕಾದರೆ ಅದಕ್ಕೆ ಯಾವ ರೀತಿಯ ಶಿಕ್ಷಣ ಬೇಕು, ಆ ಶಿಕ್ಷಣದಲ್ಲಿ ಬಳಸಲಾಗುವ ಪಠ್ಯ , ಪಠ್ಯದ ಗುಣಮಟ್ಟ ಹೇಗಿರಬೇಕು ಎಂಬುದನ್ನು ಈ ಲೇಖನದಲ್ಲಿ ಸಂಶೋಧನಾತ್ಮಕವಾಗಿ ವಿವರಿಸಲಾಗಿದೆ .