ಭಾರತದಲ್ಲಿ ಶಾಲಾಶಿಕ್ಷಣದ ಆಡಳಿತ, ಉಸ್ತುವಾರಿ ಹಾಗು ನಿರ್ವಹಣೆ: ಉದ್ದೇಶಿತ ರಾಷ್ಟ್ರೀಯ ಶಿಕ್ಷಣನೀತಿ

2016ರ ಹೊಸ ಶಿಕ್ಷಣ ನೀತಿಯ ಬೆಳಕಿನಲ್ಲಿ ಭಾರತದ ಶಾಲಾ ಶಿಕ್ಷಣದ ಆಡಳಿತ, ಉಸ್ತುವಾರಿ ಹಾಗು ನಿರ್ವಹಣೆಯ ಬಗ್ಗೆ ಲೇಖನವು ವಿವರಿಸುತ್ತದೆ. ಸಾರ್ವಜನಿಕ ನಿರ್ವಹಣೆಯಲ್ಲಿರುವ ವಿಚಾರಗಳು, ರಾಜಕೀಯ ಹಸ್ತಕ್ಷೇಪ ಕಡಿಮೆಗೊಳಿಸಲು ಒತ್ತು ನೀಡುವ ಈ ಲೇಖನವು ಶ್ರೇಣೀಕರಣ ವ್ಯವಸ್ಥೆಯನ್ನು ವಿಮರ್ಶಿಸುತ್ತದೆ. ಐಸಿಟಿಯನ್ನು ಶಿಫಾರಸು ಮಾಡುವ ಈ ಲೇಖನವು, ಶಿಕ್ಷಕರು ಮತ್ತು ಪ್ರಾಂಶುಪಾಲರ ಹೊಣೆಗಾರಿಕೆಯನ್ನು ಸುಧಾರಿಸಲು ಎಸ್‌ಎಂಸಿಯನ್ನು ಸಬಲಗೊಳಿಸಲು ಸಲಹೆ ನೀಡುತ್ತದೆ. ಶಿಕ್ಷಕರ ಸ್ವಾಯತ್ತತೆ, ಶೈಕ್ಷಣಿಕ ಗುರಿ ಮತ್ತು ಉದ್ದೇಶಗಳನ್ನು ಅರ್ಥೈಸುವಲ್ಲಿ ವಿಫಲವಾಗಿರುವುದು ಇತ್ಯಾದಿ ಪ್ರಮುಖ ಅಂಶಗಳು ಕರಡು ವರದಿಯಲ್ಲಿ ಗೈರಾಗಿರುವುದನ್ನು ಲೇಖಕರು ಉಲ್ಲೇಖಿಸುತ್ತಾರೆ.