ಬೋಧನೆಯ ವಿಧಾನವಾಗಿ ಕಥೆ ಹೇಳುವುದು

ಮಕ್ಕಳಿಗೆ ಭಾಷೆಯನ್ನು ಕಲಿಸುವಾಗ ಹಾಡುಗಳು, ಪದ್ಯಗಳು, ಕಥೆಗಳು ಹಾಗೂ ಜಾನಪದ ಕಥೆಗಳನ್ನು ಬಳಸುವುದರಿಂದ ಕಲಿಕೆಯು ಆಸಕ್ತಿದಾಯಕವಾಗುತ್ತದೆ. ಅಂಥ ಒಂದು ಬೋಧನೆಯ ಅನುಭವವನ್ನು ಲೇಖಕರು ಇಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ, ಆ ಕಥೆಯನ್ನು ಸುಮ್ಮನೆ ಹೇಳಿಬಿಡುವುದಲ್ಲ. ಅದನ್ನು ಹೇಳುವಾಗ ಆ ಕಥೆ ಪುಸ್ತಕದಲ್ಲಿ ಬರುವ ಚಿತ್ರಗಳನ್ನು ತೋರಿಸುವುದು, ಅವುಗಳೆಲ್ಲದರ ಬಗ್ಗೆ ಕಥೆ ಪ್ರಾರಂಭ ಮಾಡುವ ಮುನ್ನವೇ ಮಾತನಾಡುವುದು, ಕಥೆಯನ್ನು ಹೇಳುವಾಗ ಮಕ್ಕಳನ್ನು ಪ್ರಶ್ನಿಸಿ ಅವರನ್ನು ಆಲೋಚಿಸುವಂತೆ ಪ್ರೋತ್ಸಾಹಿಸುವುದು, ಇವೆಲ್ಲವೂ ಈ ಪ್ರಯೋಗದ ಭಾಗವಾಗಿದೆ.