ಠಾಗೋರ್-ಕಲಿಕೆ ಜೀವನ ಗಾಥೆ

‘ಠಾಗೋರ್-ಕಲಿಕೆ ಜೀವನ ಗಾಥೆ’ ಎನ್ನುವ ಪುಸ್ತಕವು ರವೀಂದ್ರನಾಥ ಠಾಗೋರ್ ಅವರ ಶಿಕ್ಷಣ ತತ್ವಗಳನ್ನು ಮತ್ತು ಚಿಂತನೆಗಳನ್ನು ಪರಿಚಯಿಸುವ ಉದ್ದೇಶದಿಂದ ರಚಿತವಾಗಿರುವ ಚಿತ್ರರೂಪಿಕೆಯಾಗಿದೆ. ರವೀಂದ್ರರ ಬಾಲ್ಯದಿಂದ ಆರಂಭಿಸಿ, ಶಾಂತಿನಿಕೇತನ ಸಂಸ್ಥೆಯ ಸ್ಥಾಪನೆಯವರಗೆ ಅವರನ್ನು ರೂಪಿಸಿದ, ಪ್ರಭಾವಿಸಿದ ಪರಿಸರ ಮತ್ತು ವಿಚಾರಗಳ ಮೂಲಕ ಹರಳುಗಟ್ಟಿದ ಅವರ ವ್ಯಕ್ತಿತ್ವ ಮತ್ತು ಶಿಕ್ಷಣದ ತತ್ವಜ್ಞಾನ ಸ್ವರೂಪವನ್ನು ಸೊಗಸಾದ ಚಿತ್ರ ಮತ್ತು ವಿವರಣೆಗಳಿಂದ ಈ ಪುಸ್ತಕವನ್ನು ವಿನ್ಯಾಸಗೊಳಿಸಲಾಗಿದೆ. ಈ ವಿವರಣೆಗಳನ್ನು ರವೀಂದ್ರರ ಮೂಲ ಅಥವಾ ಅನುವಾದಿತ ಬರಹಗಳಿಂದಲೇ ಆಯ್ದುಕೊಳ್ಳಲಾಗಿದೆ. ಜೊತೆಗೆ ಈ ಶಾಂತಿನಿಕೇತನದಲ್ಲಿ ಶಿಕ್ಷಣ ಪಡೆದು ವಿವಿಧ ಕ್ಷೇತ್ರದಲ್ಲಿ ಸಾಧನೆಮಾಡಿರುವ - ಅಮರ್ತ್ಯ ಸೇನ್, ಸತ್ಯ ಜೀತ್ ರೇ ಅಂತಹ- ಆಯ್ದ ವ್ಯಕ್ತಿಗಳು ಸಂಸ್ಥೆಯ ಬಗೆಗೆ ವ್ಯಕ್ತಪಡಿಸಿರುವ ಅಭಿಪ್ರಾಯಗಳನ್ನು ಇಲ್ಲಿ ಸಂಗ್ರಹಿಸಲಾಗಿದೆ.