ಸಂಜ್ಞಾನಾತ್ಮಕ ಮನೋವಿಜ್ಞಾನ‌

ಈ ಲೇಖನವು ಸಂಜ್ಞಾನಾತ್ಮಕ ಮನೋವಿಜ್ಞಾನಕ್ಕಿರುವ ನಾನಾ ವ್ಯಾಖ್ಯಾನಗಳನ್ನು ವಿವರಿಸುತ್ತದೆ. ಸಂಜ್ಞಾನಾತ್ಮಕ ಮನೋವಿಜ್ಞಾನದ ಕುರಿತು ರಚನೆಯಾಗಿರುವ ಪ್ರಮುಖ ಕೃತಿಗಳನ್ನು ಪರಿಚಯಿಸುತ್ತದೆ. ಈ ಕ್ಷೇತ್ರದಲ್ಲಿ ನಡೆದಿರುವ ನಾನಾ ಪ್ರಯೋಗಗಳನ್ನು ಪರಿಚಯಿಸುವ ಈ ಲೇಖನವು ಅರಿಸ್ಟಾಟಲ್‌ನ ಕಾಲದಿಂದ ಹಿಡಿದು ಆಧುನಿಕ ಕೃತಕ ಬುದ್ಧಿಮತ್ತೆಯವರೆಗಿನ ವಿವಿಧ ಹಂತದ ಬೆಳವಣಿಗೆಗಳನ್ನು ದಾಖಲಿಸುತ್ತದೆ. ಕಾಗ್ನಿಷನ್‌ ಮತ್ತು ಮೆಟಾಕಾಗ್ನಿಷನ್‌ ಎಂಬ ಪರಿಕಲ್ಪನೆಗಳನ್ನು ವಿವರಿಸುತ್ತದೆ. . ಜ್ಞಾನದಲ್ಲಿ ‘ಪಾಂಡಿತ್ಯ (ಡಿಕ್ಲರೇಟಿವ್)’ ಮತ್ತು ‘ಕಾರ್ಯಚಾತುರ್ಯ(ಪ್ರೊಸೀಜರೆಲ್) ಎಂದು ಎರಡು ವಿಧವಿದ್ದು ವಿದ್ಯಾರ್ಥಿಗಳಿಗೆ ಇವರೆಡನ್ನೂ ಸಮನ್ವಯಗೊಳಿಸುವ ವಿಧಾನವನ್ನು ಪರಿಶೀಲಿಸುತ್ತದೆ. ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ನರವಿಜ್ಞಾನ ಕ್ಷೇತ್ರದಲ್ಲಿ ಉಂಟಾಗಿರುವ ಪೂರಕ ಬೆಳವಣಿಗೆಗಳನ್ನು ಸಹ ಈ ಲೇಖನವು ಗಮನಿಸುತ್ತದೆ.