ಗುರುಚೇತನ – ಶಿಕ್ಷಕರ ವೃತ್ತಿಪರ ಅಭಿವೃದ್ಧಿ ಕರ್ನಾಟಕ ಸರ್ಕಾರದ ಒಂದು ಉಪಕ್ರಮ

ಈಗಿನ ಶಿಕ್ಷಕರ ಪ್ರಶಿಕ್ಷಕ ಕಾರ್ಯಕ್ರಮದಲ್ಲಿ ಇರುವ ಲೋಪದೋಷಗಳಣ್ನು ನಿವಾರಿಸಿ, ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ ನೀಡುವುದಕ್ಕೆ ಶಿಕ್ಷಕರನ್ನು ತಯಾರು ಮಾಡಲು ಕರ್ನಾಟಕ ಸರಕಾರದ ಸಾರ್ವಜನಿಕ ಶಿಕ್ಷಕ ಇಲಾಖೆ ಪ್ರಾರಂಭಿಸಿರುವ ಗುರುಚೇತನ ಎಂಬ ಕಾರ್ಯಕ್ರಮದ ಬಗ್ಗೆ ಈ ಲೇಖನದಲ್ಲಿ ವಿವರಿಸಲಾಗಿದೆ. ಪ್ರಶಿಕ್ಷಕ ಕಾರ್ಯಕ್ರಮದಲ್ಲಿನ ಸಮಸ್ಯೆಗಳನ್ನು ಹೋಗಲಾಡಿಸುವುದು ಹಾಗೂ ಶಿಕ್ಷಕರ ಬೆಳವಣಿಗೆಯ ಪ್ರಯತ್ನಗಳು ಅರ್ಥಪೂರ್ಣವೂ ಸಕಾಲಿಕವೂ ಆಗಿರುವಂತೆ ನೋಡಿಕೊಳ್ಳುವುದು ‘ಗುರುಚೇತನ’ದ ಉದ್ದೇಶವಾಗಿದೆ. ಅಜೀಂ ಪ್ರೇಮ್ ಜಿ ಫೌಂಡೇಶನ್ ಸಹಯೋಗದಲ್ಲಿ ನಡೆಯುವ ಈ ಕಾರ್ಯಕ್ರಮದಲ್ಲಿ ಪ್ರಶಿಕ್ಷಣದ ಆಶಯ ಮತ್ತು ವಿಷಯಗಳ ಮರುವಿನ್ಯಾಸ ರೂಪಿಸಲಾಗಿದೆ.