ಸಾಂಕ್ರಾಮಿಕ ಸಂದರ್ಭದಲ್ಲಿ ಗಣಿತ ವಿಷಯದ ಆನ್‌ಲೈನ್ ಬೋಧನೆಯಲ್ಲಿನ ಕಲಿವಿನ ಫಲ

ಕೋವಿಡ್-19 ರ ಕಾರಣದ ಲಾಕ್-ಡೌನ್ ಪರಿಣಾಮದಿಂದ ಶಾಲೆಗಳು ಮುಚ್ಚಲ್ಪಟ್ಟಿದ್ದವು. ಈ ಕಾರಣದಿಂದ ವಿದ್ಯಾರ್ಥಿಗಳಿಗೆ ಕಲಿಕೆಯಲ್ಲಿ ಹೆಚ್ಚಿನ ಶೈಕ್ಷಣಿಕ ಅಂತರವಾಗಿತ್ತು. ಇದನ್ನು ಗಮನದಲ್ಲಿಟ್ಟುಕೊಂಡು ಐಟಿ ಫಾರ್ ಚೇಂಜ್ (ಐಟಿಎಫ್‍ಸಿ) ಸಂಸ್ಥೆಯು 2014 ರಿಂದ ಅನುಷ್ಠಾನದಲ್ಲಿರುವ ‘ಶಿಕ್ಷಕರ ಕಲಿಕಾ ಸಮುದಾಯ‘ಯೋಜನೆಯ ಮೂಲಕ ಬೆಂಗಳೂರು ದಕ್ಷಿಣ ವಲಯ-3 ರಲ್ಲಿನ ಸರ್ಕಾರಿ ಮತ್ತು ಅನುದಾನಿತ ಪ್ರೌಢ ಶಾಲೆಯ ಬೆಂಬಲದೊಂದಿಗೆ 8 ನೇ ತರಗತಿ ವಿದ್ಯಾರ್ಥಿಗಳಿಗಾಗಿ ಆನ್‍ಲೈನ್ ತರಗತಿಗಳನ್ನು ನಡೆಸಲಾಯಿತು. ಈ ಕಾರ್ಯಕ್ರಮದಲ್ಲಿ ನಾವು ಅಳವಡಿಸಿಕೊಂಡ ಬೋಧನಾ ಕ್ರಮ, ಬೋಧಿಸಿದ ಪರಿಕಲ್ಪನೆಗಳು, ಎದುರಿಸಿದ ಸವಾಲುಗಳು, ಮತ್ತು ಇದರಿಂದ ನಮಗಾದ ಕಲಿಕೆಗಳನ್ನು ವಿಶ್ಲೇಶಿಸಿ ಹಂಚಿಕೊಳ್ಳುವುದೇ ಈ ಲೇಖನದ ಉದ್ದೇಶ.