ಅನುಸರಣೆ : ಒಂದು ತುಲನಾತ್ಮಕ ಆಧಾರ

ಅನುಸರಣೆ ಸಂಬಂಧಗಳು ಒಂದು ಸಾಂಸ್ಥಿಕ ರಚನೆಯ ಪ್ರಮುಖ ಗುಣಲಕ್ಷಣವಾಗಿರುತ್ತದೆ ಎಂದು ಪ್ರತಿಪಾದಿಸುತ್ತ, ಅನುಸರಣೆ ವಿನ್ಯಾಸಗಳನ್ನು ಸಂಸ್ಥೆಗಳ ವರ್ಗೀಕರಣ ಮತ್ತು ಅವುಗಳ ಸಾಂಸ್ಥಿಕ ರಚನೆಗಳ ಒಂದು ತುಲನಾತ್ಮಕ ಅಧ್ಯಯನಕ್ಕೆ ವಿಶ್ಲೇಷನಾತ್ಮಕ ಆಧಾರವನ್ನಾಗಿ ಈ ಲೇಖನವು ಪ್ರಸ್ತಾಪಿಸುತ್ತದೆ.ಅನುಸರಣೆ ಸಂಬಂಧಗಳು ಎಂದರೆ ಸಂಸ್ಥೆಯಲ್ಲಿ ಅಧಿಕಾರವನ್ನು ಬಳಸುವ ಸಾಧನಗಳನ್ನು ಹೊಂದಿರುವವರು ಮತ್ತು ಅದಕ್ಕೆ ಒಳಪಡುವವರ (ಅಧೀನಸ್ಥಾನದಲ್ಲಿರುವವರ) ನಡುವಿನ ಸಂಬಂಧವೆಂದು ವ್ಯಾಖ್ಯಾನಿಸಿ, ಮೂರು ರೀತಿಯದ ಅಧಿಕಾರವನ್ನು ಪ್ರತ್ಯೇಕಿಸುತ್ತ ಅವು ಕೆಳಗಿನ ಭಾಗವಂದಿಗರು ಎಂದು ಕರೆಯಲಾಗುವ ಅಧೀನಸ್ಥಾನದಲ್ಲಿರುವವರಿಂದ ಮೂರು ರೀತಿಯದ ಒಳಗೊಳ್ಳುವಿಕೆಯನ್ನು ಹುಟ್ಟಿಸುತ್ತದೆ ಎಂದು ಅದು ಪ್ರತಿಪಾದಿಸುತ್ತದೆ. ಅಲ್ಲದೆ ಒಳಗೊಳ್ಳುವಿಕೆಯ ಸ್ವರೂಪವನ್ನು ಆಧರಿಸಿ ತುಲನಾತ್ಮಕ ಅಧ್ಯಯನಕ್ಕೆ ಆಧಾರವಾಗಬಹುದಾದ ಮೂರು ವಿಶ್ಲೇಷನಾತ್ಮಕ ಆಯಾಮಗಳನ್ನು ಅಥವಾ ವರ್ಗೀಕರಣವನ್ನು ಮುಂದಿಡುತ್ತದೆ.