ಭಾಷೆ ಎಂದರೇನು?

ಇದು ಎನ್‌ ಸಿ ಇ ಆರ್‌ ಟಿ ನಿರ್ದೇಶಕರಾದಶ್ರೀ ಕೃಷ್ಣಕುಮಾರ್‌ ಅವರ ಮಗುವಿನ ಭಾಷೆ ಮತ್ತು ಶಿಕ್ಷಕ ಎಂಬ ಪುಸ್ತಕದ ಒಂದು ಭಾಗವಾಗಿದೆ. ಮಗುವಿನ ಬೆಳವಣಿಗೆಯ ಹಂತದಲ್ಲಿ ಭಾಷೆ ನಾನಾ ಪಾತ್ರಗಳನ್ನು ವಹಿಸುತ್ತದೆ. ಆ ಎಲ್ಲಾ ಪಾತ್ರಗಳ ಬಳಕೆಯಿಂದಷ್ಟೇ ಮಗುವಿನ ಸಮಗ್ರ ಬೆಳವಣಿಗೆ ಸಾಧ್ಯವಾಗುತ್ತದೆ. ಮಗು ತಾನು ಮಾಡುವ ಕೆಲಸಗಳನ್ನು ತಾನೇ ನಿರ್ದೇಶಿಸಿಕೊಳ್ಳಲು, ತಾನು ಮಾಡುತ್ತಿರುವ ಕೆಲಸದತ್ತ ಬೇರೆಯವರ ಗಮನವನ್ನು ಸೆಳೆಯಲು, ಆಟವಾಡಲು, ಯಾವುದೋ ಒಂದು ವಿಷಯವನ್ನು ವಿವರಿಸಲು, ಬದುಕನ್ನು ಸಂಯೋಜಿಸಲು, ಗ್ರಹಿಸಲು, ಚಿತ್ರಿಸಲು ಇವೇ ಮುಂತಾದ ಕೆಲಸಗಳಿಗೆ ಭಾಷೆಯನ್ನು ಬಳಸುತ್ತದೆ. ತರಗತಿಯಲ್ಲಿ ಶಿಕ್ಷಕರು ಹೇಳುವುದನ್ನು ಗ್ರಹಿಸುವುದಕ್ಕಷ್ಟೇ ಭಾಷೆ ಸೀಮಿತವಾಗಿದೆ ಎಂಬ ರೀತಿಯಲ್ಲಿ ಪಾಠ ಮಾಡಿದಾಗ ಮಗು ಭಾಷೆಯ ಬಗ್ಗೆ ಬೇಸರ, ಜಿಗುಪ್ಸೆ ಬೆಳೆಸಿಕೊಳ್ಳುತ್ತದೆ. ಆದ್ದರಿಂದ ಶಿಕ್ಷಕರಾದವರು ಮಗು ಭಾಷೆಯನ್ನು ಬಳಸಲು ಸಾಧ್ಯವಾಗುವ ಎಲ್ಲ ರೀತಿಯ ಅವಕಾಶಗಳನ್ನು ಸೃಷ್ಟಿಸಿಕೊಡಬೇಕಾಗುತ್ತದೆ. ಮಗು ಹೀಗೆ ಕ್ರಿಯಾಶೀಲವಾಗಿ ಭಾಷೆಯೊಂದಿಗೆ ಸಂಬಂಧ ಬೆಳೆಸಿಕೊಂಡಾಗ ಮಾತ್ರ ಭಾಷೆಯಿಂದ ಮಗುವಿಗೆ ಪ್ರಯೋಜನವಾಗುತ್ತದೆ.