ರಾಜ್ಯಗಳಲ್ಲಿ ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಶಿಕ್ಷಕರ ಶಿಕ್ಷಣಕ್ಕಾಗಿ ಇರುವ ಕೇಂದ್ರ ಪ್ರಾಯೋಜಿತ ಯೋಜನೆಯ ಮೌಲ್ಯಮಾಪನ

ರಾಜ್ಯಗಳಲ್ಲಿ ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಶಿಕ್ಷಕರ ಶಿಕ್ಷಣಕ್ಕಾಗಿ ಇರುವ ಕೇಂದ್ರ ಪ್ರಾಯೋಜಿತ ಯೋಜನೆಯು ಹೇಗೆ ಕಾರ್ಯ ನಿರ್ವಹಿಸುತ್ತಿದೆ ಎಂಬುದರ ಮೇಲೆ ಬೆಳಕು ಹರಿಸುವ ಈ ಲೇಖನವು ಅನೇಕ ಆಸಕ್ತಿಕರ ಅಂಶಗಳನ್ನು ಹೊರಗೆಡಹಿದೆ. ಈ ಯೋಜನೆಯ ಸಾಮರ್ಥ್ಯ ಮತ್ತು ಕುಂದುಕೊರತೆಗಳನ್ನು ಇಲ್ಲಿ ಚರ್ಚಿಸಲಾಗಿದೆ ಮಾತ್ರವಲ್ಲದೆ, ಅನೇಕ ಶಿಫಾರಸ್ಸುಗಳನ್ನು ಸಹ ನೀಡಲಾಗಿದೆ. 2009ರ ಸಂವಿಧಾನಾತ್ಮಕ ಆದೇಶವನ್ನು ಈಡೇರಿಸುವುದಕ್ಕಾಗಿ ಸಿ.ಎಸ್‌.ಎಸ್‌.ಟಿ.ಇ. ಅನ್ನು ಮುಂದುವರಿಸಬೇಕು, ಈ ಯೋಜನೆಯಿಂದ ಸಾಕಷ್ಟು ಲಾಭ ಪಡೆಯುವುದಕ್ಕಾಗಿ ರಾಜ್ಯಗಳು ಶಿಕ್ಷಕ ಶಿಕ್ಷಣ ವಲಯಕ್ಕಾಗಿ ಸರಿಯಾದ ದೂರದೃಷ್ಟಿ ಮತ್ತು ಯೋಜನೆಯನ್ನು ರೂಪಿಸಬೇಕು, ಚಟುವಟಿಕೆಗಳನ್ನು ಸಕಾಲದಲ್ಲಿ ಮತ್ತು ತಾರ್ಕಿಕ ವಿಧಾನದಲ್ಲಿ ನಡೆಸುವಂತಾಗಲು ಶಾಲಾವಧಿ ಶುರುವಾಗುವ ಸಂದರ್ಭದಲ್ಲಿಯೇ ಅನುದಾನವು ಸಂಸ್ಥೆಗಳಿಗೆ ತಲುಪಬೇಕು ಇತ್ಯಾದಿ ಸಲಹೆಗಳನ್ನು ಮುಂದಿಡಲಾಗಿದೆ