ವರ್ಣ ಮತ್ತು ಜಾತಿ

ವರ್ಣ ಮತ್ತು ಜಾತಿಯ ಮೇಲಿನ ಈ ಅಧ್ಯಾಯವು ಭಾರತೀಯ ಸಮಾಜದಲ್ಲಿ ಕಂಡುಬರುವ, ಸಂಕೀರ್ಣತೆಯಿಂದ ಕೂಡಿದ ಮತ್ತು ಪ್ರಾದೇಶಿಕ ವೈವಿಧ್ಯಗಳನ್ನೊಳಗೊಂಡ ವರ್ಣ ಮತ್ತು ಜಾತಿ ವ್ಯವಸ್ಥೆಯ ಬಗೆಗೆ ಸಂಕ್ಷಿಪ್ತವಾದ ನೋಟವೊಂದನ್ನು ನೀಡುತ್ತದೆ. ಈ ಅಧ್ಯಾಯವು ಆರಂಭದಲ್ಲಿ ವರ್ಣ ಮತ್ತು ಜಾತಿಗಳ ನಡುವಿನ ವ್ಯತ್ಯಾಸವನ್ನು ವಿವರಿಸಿ, ನಂತರ ಹಿಂದೂ ಸಾಮಾಜಿಕ ವ್ಯವಸ್ಥೆಯಲ್ಲಿ ಜಾತಿಗಳ ಹುಟ್ಟಿನ ಕುರಿತಾದ ಸಿದ್ಧಾಂತಗಳ ಪರಿಚಯವನ್ನು ಮಾಡಿಸುತ್ತದೆ. ಜೊತೆಗೆ ಭಾರತದಲ್ಲಿರುವ ಕ್ರೈಸ್ತ ಮತ್ತು ಮುಸಲ್ಮಾನ ಸಮುದಾಯಗಳಲ್ಲಿ ಜಾತಿಭೇದಗಳು ಹೇಗಿವೆ ಎಂಬುದರ ಬಗೆಗೂ ಸಂಕ್ಷಿಪ್ತವಾಗಿ ತಿಳಿಸಿಕೊಡುತ್ತದೆ.