ಆರಂಭಿಕ ವರ್ಷಗಳಲ್ಲಿ ಭಾಷೆ ಮತ್ತು ಅಕ್ಷರ ಕಲಿಕೆ:ಇದು ಹೇಗಿರಬೇಕು?

ಮೊಟ್ಟಮೊದಲ ಬಾರಿಗೆ ಮಕ್ಕಳು ಮನೆಯ ವಾತಾವರಣದಿಂದ ಶಾಲೆಯ ವಾತಾವರಣಕ್ಕೆ ಕಾಲಿಟ್ಟಾಗ ಹಲವಾರು ಬದಲಾವಣೆಗಳಿಗೆ ಅವರು ಒಗ್ಗಿಕೊಳ್ಳಬೇಕಾಗುತ್ತದೆ. ಮನೆಯ ಭಾಷೆಗಿಂತ ಶಾಲೆಯ ಭಾಷೆ ಭಿನ್ನವಾಗಿದ್ದಾಗ ಮಕ್ಕಳು ಶಾಲೆಯ ಬಗ್ಗೆ ಅನಗತ್ಯವಾಗಿ ಭಯ ಬೀಳುತ್ತಾರೆ ಹಾಗು ಆಸಕ್ತಿ ಕಳೆದುಕೊಳ್ಳುವ ಸಾಧ್ಯತೆಯೂ ಇರುತ್ತದೆ. ಈ ಲೇಖನದಲ್ಲಿ ಇಂಥ ಬದಲಾವಣೆಯ ಸಮಯದಲ್ಲಿ ಯಾವ ಕಾರ್ಯಗಳನ್ನು ಮಾಡಿದರೆ ಮಕ್ಕಳು ಬೇಗ ಹೊಂದಿಕೊಳ್ಳುತ್ತಾರೆ ಎಂಬ ಅಧ್ಯಯನವನ್ನು ವಿವರಿಸಲಾಗಿದೆ. ಲೇಖಕರು ಸಂಶೋಧನೆಯ ಸಮಯದಲ್ಲಿ ಕಂಡುಕೊಂಡ ಹಲವು ಸಂಕೀರ್ಣ ಸಮಸ್ಯೆಗಳು ಹಾಗೂ ಅವುಗಳ ಬಗೆಗಿನ ಒಳನೋಟವನ್ನು ಇಲ್ಲಿ ಚರ್ಚಿಸಲಾಗಿದೆ. ಪಠ್ಯಕ್ರಮವನ್ನು ರಚಿಸುವುದು ಹಾಗು ಪಠ್ಯಕ್ರಮಕ್ಕೆ ವಿದ್ಯಾರ್ಥಿ ಹೊಂದಿಕೊಳ್ಳುವಂತೆ ಮಾಡುವುದೇ ಮಕ್ಕಳ ಭಾಷಾ ಕಲಿಕೆಯ ಜೀವಾಳ ಎಂಬುದು ಲೇಖಕರ ಅಭಿಮತವಾಗಿದೆ.