ಪ್ರಾಥಮಿಕ ತರಗತಿಗಳಲ್ಲಿ ಸಾಹಿತ್ಯವನ್ನು ವ್ಯಾಖ್ಯಾನಿಸುವುದು ಮತ್ತು ಪ್ರತಿಕ್ರಿಯಿಸುವುದು: ಶಿಕ್ಷಕರ ಸಂಶೋಧನೆ

ಈ ಲೇಖನವು ವಿದ್ಯಾರ್ಥಿಗಳಿಗೆ ಸಾಹಿತ್ಯವನ್ನು ಬೋಧಿಸುವ ಮೂಲಕ ಭಾಷೆಯನ್ನು ಕಲಿಸುವ ಸಾಧ್ಯತೆಯ ಕುರಿತು ನಡೆಸಲಾದ ಒಂದು ಪ್ರಯೋಗದ ವಿಸ್ತೃತ ವರದಿಯಾಗಿದೆ. ಸಾಹಿತ್ಯದ ಬೋಧನೆ ಮಕ್ಕಳ ನಿರೂಪಣಾ ಶಕ್ತಿಯನ್ನು ಹೇಗೆ ವರ್ಧಿಸುತ್ತದೆ, ಸಾಹಿತ್ಯವನ್ನು ಅರ್ಥ ಮಾಡಿಕೊಳ್ಳಲು ಹೇಗೆ ನೆರವಾಗುತ್ತದೆ, ಎಂಬುದನ್ನು ನಿದರ್ಶನಗಳೊಂದಿಗೆ ಇದು ತೋರಿಸಿ ಕೊಡುತ್ತದೆ. ಬಂಗಾಳದ ಒಂದು ಗ್ರಾಮೀಣ ಶಾಲೆಯಲ್ಲಿ ಕೈಗೊಂಡ ಪ್ರಯೋಗವಾಗಿದೆ. ಈ ಪ್ರಯೋಗದಲ್ಲಿ ಸಾಹಿತ್ಯವನ್ನು ತಮ್ಮ ಸ್ವಂತ ಅನುಭವದ ಹಿನ್ನೆಲೆಯಲ್ಲಿ ಅರ್ಥ ಮಾಡಿಕೊಳ್ಳುವ ಮಾರ್ಗಗಳನ್ನು ಕಲಿಸಲಾಯಿತು. ಇದೊಂದು ಯಶಸ್ವೀ ಪ್ರಯೋಗವಾಗಿದ್ದು ವಿದ್ಯಾರ್ಥಿಗಳಲ್ಲಿ, ತಾವು ಓದಿದ ಸಾಹಿತ್ಯವನ್ನು ತಮ್ಮದೇ ವಿಶಿಷ್ಟ ರೀತಿಯಲ್ಲಿ ವ್ಯಾಖ್ಯಾನಿಸುವ ಸಾಮರ್ಥ್ಯವನ್ನು ಬೆಳೆಸಲಾಯಿತು. ಒಂದು ಸಾಹಿತ್ಯ ಕೃತಿಯನ್ನು ಗಟ್ಟಿಯಾಗಿ ಓದುವುದರಿಂದ ವಿದ್ಯಾರ್ಥಿಗಳಿಗೆ ಆ ಸಾಹಿತ್ಯ ಕೃತಿ ಇನ್ನೂ ಚೆನ್ನಾಗಿ ಅರ್ಥವಾಗುತ್ತದೆ ಎಂಬುದನ್ನು ಮನವರಿಕೆ ಮಾಡಿಸಲಾಯಿತು. ಒಂದು ಪಠ್ಯವನ್ನು ಹಲವು ಆಯಾಮಗಳಲ್ಲಿ ಅರ್ಥ ಮಾಡಿಕೊಳ್ಳಲು ಆ ಪಠ್ಯದ ಸಂಬಂಧವಾಗಿ ಪ್ರಶ್ನೆಗಳನ್ನು ಕೇಳುವುದರ ಅಗತ್ಯವನ್ನು ವಿದ್ಯಾರ್ಥಿಗಳು ಈ ಪ್ರಯೋಗದಲ್ಲಿ ಕಲಿಯುತ್ತಾರೆ. ಸದರಿ ಪ್ರಯೋಗದ ವರದಿಯಲ್ಲಿ ತರಗತಿಯೊಳಗೆ ನಡೆವ ಇಂತಹ ಸಂವಾದ ಮತ್ತು ಪ್ರಶ್ನೋತ್ತರಗಳನ್ನು ದಾಖಲೆಗಳ ಸಮೇತವಾಗಿ ದಾಖಲಿಸಲಾಗಿದೆ.