ಶಿಕ್ಷಕ ಸಿದ್ಧತೆಯಲ್ಲಿನ ಸುಧಾರಣೆಗಳು – ನಾವು ಹಿಂದೆ ಬಿದ್ದಿದ್ದೇವೆಯೇ?

೨೦೧೪ರಲ್ಲಿ ಸೇವಾಪೂರ್ವ ಶಿಕ್ಷಕ ಶಿಕ್ಷಣದಲ್ಲಿನ ಸುಧಾರಣೆಗಳ ನಂತರದ ಸನ್ನಿವೇಶವನ್ನು ಈ ಲೇಖನದಲ್ಲಿ ಪರಿಶೀಲಿಸಲಾಗಿದ್ದು, ಉತ್ತಮ ಗುಣಮಟ್ಟದ ಶಿಕ್ಷಕರ ತಯಾರಿ, ವೃತ್ತಿಪರ ಸಾಮರ್ಥ್ಯ, ಬೋಧನಾ ಕೌಶಲದ ಹೆಚ್ಚಳ, ಸಂಶೋಧನಾ ಕಾರ್ಯದ ನಿರ್ವಹಣೆ ಇತ್ಯಾದಿಗಳ ಬಗ್ಗೆ ಗಮನಹರಿಸಲಾಗಿದೆ. ಶಿಕ್ಷಕರ ಅರ್ಹತೆ, ಹಳೆಯ ಬೋಧನಾ ಮಾದರಿಗಳ ಬಳಕೆ, ಸಾಮರ್ಥ್ಯಾಭಿವೃದ್ಧಿ ಕಾರ್ಯಾಗಾರಗಳ ಕೊರತೆಗಳನ್ನು ಕುರಿತಂತೆ ಲೇಖನದಲ್ಲಿ ಚರ್ಚಿಸಲಾಗಿದ್ದು, ಪ್ರಗತಿಪರ ದೇಶಗಳ ಶಿಕ್ಷಕ ಶಿಕ್ಷಣ ವ್ಯವಸ್ಥೆಯನ್ನು ತಿಳಿಸಲಾಗಿದೆ. ಫಿನ್ಲೆಂಡ್‌, ಕೆನಡಾ, ಸಿಂಗಪುರ ಮುಂತಾದ ದೇಶಗಳ ಶಿಕ್ಷಕ ಶಿಕ್ಷಣ ಕಾರ್ಯಕ್ರಮಗಳ ಉದಾಹರಣೆಗಳನ್ನು ಇಲ್ಲಿ ಕಾಣಬಹುದು. ಶಿಕ್ಷಣ ಕ್ಷೇತ್ರದ ಸುಸಂಘಟಿತ ಕಾರ್ಯವಿಧಾನ, ಆಯೋಜನಾ ಸಾಮರ್ಥ್ಯ ಹಾಗೂ ಸಂಪನ್ಮೂಲಗಳ ಗರಿಷ್ಠ ಬಳಕೆಗೆ ಲೇಖಕರು ಒತ್ತು ನೀಡಿದ್ದಾರಲ್ಲದೆ, ಶೈಕ್ಷಣಿಕ ವಲಯದ ಸುಧಾರಣೆಯ ಕೆಲವು ಮಾರ್ಗಗಳನ್ನು ಸೂಚಿಸಿದ್ದಾರೆ.