ಓರಿಗಾಮಿ ಸಮಸ್ಯೆಯ ಪರಿಹಾರ

ಚೌಕಾಕಾರದ ಒಂದು ಹಾಳೆಯಲ್ಲಿ, ಅದರ ಮೇಲ್ಭಾಗದ ಅಂಚಿನ ಮೇಲಿನ ಬಿಂದುವೊಂದನ್ನು ತೆಗೆದುಕೊಂಡು ಅದನ್ನು ಚೌಕದ ಪಾದದ ಶೃಂಗಗಳಿಗೆ ಸೇರಿಸಿದರೆ ತ್ರಿಭುಜವೊಂದು ದೊರೆಯುತ್ತದೆ. ಈಗ ಆ ತ್ರಿಭುಜದ ಶೃಂಗಗಳು ಒಂದರ ಮೇಲೆ ಮತ್ತೊಂದು ಬರುವಂತೆ ಹಾಳೆಯನ್ನು ಮಡಿಸುವುದರ ಮೂಲಕ ಈ ತ್ರಿಭುಜದ ಪರಿಕೇಂದ್ರವನ್ನು ಕಂಡುಕೊಳ್ಳಬಹುದು. ಆರಂಭಿಕ ಬಿಂದು ಹಾಳೆಯ ಮೇಲ್ಭಾಗದ ಅಂಚಿನ ಮೇಲೆ ಚಲಿಸುತ್ತಿದ್ದಂತೆ, ಪರಿಕೇಂದ್ರದ ಬಿಂದುಪಥವನ್ನು ಕಂಡುಹಿಡಿಯುವ ಸಮಸ್ಯೆಯನ್ನು ಪ್ರಸ್ತುತ ಲೇಖನವು ಪರಿಗಣಿಸುತ್ತದೆ. ಬಳಿಕ ಇದೇ ಪ್ರಶ್ನೆಯನ್ನು ತ್ರಿಭುಜದ ಅಂತಃಕೇಂದ್ರ ಮತ್ತು ಲಂಬಕೇಂದ್ರಗಳ ಬಿಂದುಪಥದ ವಿಷಯವಾಗಿಯೂ ಕೇಳುತ್ತದೆ. ಈ ಓರಿಗಾಮಿ ಚಟುವಟಿಕೆಯನ್ನು ಆಯತಾಕಾರದ ಹಾಳೆಗೆ ವಿಸ್ತರಿಸುವ ಪ್ರಶ್ನೆಯನ್ನು ಕೇಳುತ್ತಾ ಕೊನೆಗೊಳ್ಳುತ್ತದೆ.