ಈಶಾನ್ಯ ಕರ್ನಾಟಕ – ಸಮಗ್ರ ಶೈಕ್ಷಣಿಕ ಯೋಜನೆಯ ಅಗತ್ಯ

ಈ ಅಧ್ಯಾಯವು ಈಶಾನ್ಯ ಕರ್ನಾಟಕದ 8 ಜಿಲ್ಲೆಗಳಲ್ಲಿನ ಶಿಕ್ಷಣದ ಸ್ಥಿತಿಗತಿಯನ್ನು ಮೌಲ್ಯಮಾಪನ ಮಾಡಿ ಮಕ್ಕಳು ತಮ್ಮ ಶಿಕ್ಷಣವನ್ನು ಪೂರ್ಣಗೊಳಿಸಲು ಬಾಲ್ಯವಿವಾಹ ಪದ್ಧತಿ, ವಲಸೆ ಹೋಗುವಂತಹ ಸಂಗತಿಗಳು ತಡೆಯುತ್ತಿದೆ ಎನ್ನುವದರ ಮೇಲೆ ನಮ್ಮ ಗಮನ ಸೆಳೆಯುತ್ತದೆ. ಶಿಕ್ಷಣ ಇಲಾಖೆಯ ಸಹಯೋಗದೊಂದಿಗೆ ಈಶಾನ್ಯ ಕರ್ನಾಟಕದ 7 ಜಿಲ್ಲೆಗಳಲ್ಲಿ ಮತ್ತು ಸ್ವತಂತ್ರವಾಗಿ ಆಂಧ್ರಪ್ರದೇಶದ 5 ಜಿಲ್ಲೆಗಳಲ್ಲಿ ಅಜೀಂ ಪ್ರೇಮ್‌ಜಿ ಫೌಂಡೇಷನ್ ಸಂಸ್ಥೆಯು ನಡೆಸಿದ ಎರಡು ಅಧ್ಯಯನ ಸಂಶೋಧನೆಯ ಫಲಿತಾಂಶಗಳನ್ನು ಮಂಡಿಸುತ್ತ ಶಿಕ್ಷಣಕ್ಕೆ ಒಂದು ದೂರಗಾಮಿಯ ದೃಷ್ಟಿ ಮತ್ತು ಸಮಗ್ರವಾದ ಯೋಜನೆಯ ಅಗತ್ಯವಿದೆ ಎಂದು ಒತ್ತಿಹೇಳುವುದಲ್ಲದೆ ಹಲವು ಸಲಹೆಗಳನ್ನು, ನಿರ್ದಿಷ್ಟವಾಗಿ ಅಂಗನವಾಡಿ ಕೇಂದ್ರಗಳ ಸುಧಾರಣೆಗಾಗಿ ಪ್ರಸ್ತಾಪಿಸುತ್ತದೆ.