ಚಿತ್ರ ಪುಸ್ತಕಗಳಲ್ಲಿನ ದೃಷ್ಟಾಂತಗಳ 'ಓದುವಿಕೆ'

ಚಿತ್ರ ಪುಸ್ತಕದಲ್ಲಿ ಚಿತ್ರಗಳ ಮೂಲಕ ನಿರೂಪಿತವಾಗುವ ಕತೆಗಳನ್ನು ಹೇಗೆ ಓದುವುದು ಎಂಬುದನ್ನು ಮಕ್ಕಳಿಗೆ ಕಲಿಸಲು ಈ ಹ್ಯಾಂಡೌಟ್ ನೆರವಾಗುತ್ತದೆ. ಈ ಹ್ಯಾಂಡೌಟ್ ಒಂದು ಚಿತ್ರ ಪುಸ್ತಕದಲ್ಲಿ ಮಕ್ಕಳು ಗ್ರಹಿಸಿ ಆಸ್ವಾದಿಸಬೇಕಾದ ಚಿತ್ರಗಳು ಮತ್ತು ವಿನ್ಯಾಸಗಳ ಮುಖ್ಯ ಅಂಶಗಳ ಬಗೆಗೆ ಮಾತನಾಡುತ್ತದೆ. ಮಕ್ಕಳಿಗೆ ಇಂತಹ ಪುಸ್ತಕಗಳನ್ನು ಓದಿಸುವಾಗ ಅದರಲ್ಲಿನ ನಿರೂಪಣಾ ಕ್ರಮ, ಪಾತ್ರ ಚಿತ್ರಣ, ಕಲಾತ್ಮಕ ಅಂಶಗಳು, (ಪುಟ ವಿನ್ಯಾಸ, ದೃಷ್ಟಿಕೋನ, ಪ್ರದರ್ಶನ ಮತ್ತು ಚೌಕಟ್ಟುಗಳನ್ನು ಒಳಗೊಂಡ) ವಿನ್ಯಾಸಗಳು ಇವೆಲ್ಲದರ ಬಗೆಗೆ ಚರ್ಚಿಸಬಹುದು. ಚಿತ್ರ ಮತ್ತು ಪಠ್ಯಗಳು ಸೇರಿ ಅರ್ಥ ಸೃಷ್ಟಿಯಾಗುವುದು ಹೇಗೆ ಎಂಬುದರ ಮೇಲೆ ಮಕ್ಕಳು ಗಮನ ಕೊಡಲಿ ಎನ್ನುವುದು ಈ ಚರ್ಚೆಯ ಹಿಂದಿನ ಉದ್ದೇಶವಾಗಿದೆ.