ನೈತಿಕ ವಿಕಾಸ

ಹೆಸರೇ ಸೂಚಿಸುವಂತೆ ಈ ಅಧ್ಯಾಯದಲ್ಲಿ ಲೇಖಕರು ಮಕ್ಕಲ್ಲಿನ ನೈತಿಕ ವಿಕಾಸದ ಬಗೆಗೆ ಇರುವ ಹಲವು ವಾದಗಳನ್ನು ಪರಿಶೀಲಿಸುತ್ತಾರೆ. ಮಕ್ಕಳಲ್ಲಿ ಸಹಜವಾಗಿಯೇ ನೈತಿಕತೆ ಇರುತ್ತದೆಯೇ ಅಥವಾ ಸಾಮಾಜೀಕರಣ ಹಾಗು ನೈತಿಕ ಮೌಲ್ಯಗಳ ಅಂತರೀಕರಣದ ಫಲವೇ ಎಂಬ ಪ್ರಖ್ಯಾತ ಪ್ರಶ್ನೆಯನ್ನೆತ್ತಿಕೊಳ್ಳುತ್ತಾರೆ. ಈ ನಿಟ್ಟಿನಲ್ಲಿ ಬೇರೆ ಬೇರೆ ವಯಸ್ಸಿನ ಮಕ್ಕಳನ್ನೊಳಗೊಂಡು ನಡೆಸಿದ ಹಲವು ಪ್ರಯೋಗಗಳನ್ನು ಉಲ್ಲೇಖಿಸುತ್ತಾ ನೈತಿಕ ವಿಕಾಸದ ರೂಪು ರೇಷೆಗಳನ್ನು ಸ್ಪಷ್ಟಪಡಿಸಲು ಪ್ರಯತ್ನಿಸುತ್ತಾರೆ. ನೈತಿಕ ಪ್ರಜ್ಞೆಯ ಮೂಲದಿಂದ ಹುಟ್ಟುವ ಹಲವು ಸಂಕೀರ್ಣ ಭಾವನೆಗಳಾದ ಪರಾನುಭೂತಿಶಕ್ತಿ, ಅಪರಾಧೀ ಪ್ರಜ್ಞೆ, ಹೆಮ್ಮೆ , ಆಸೆ ಮತ್ತು ಅವಶ್ಯಕತೆಗಳ ನಡುವಿನ ಸಂಘರ್ಷ ಇವೆಲ್ಲವುಗಳ ಬಗ್ಗೆಯೂ ವಿವರವಾಗಿ ಚರ್ಚಿಸಲಾಗಿದೆ.