ಕಲಿಕೆ

ಈ ಲೇಖನವು ಮಕ್ಕಳು ಹೇಗೆ ಕಲಿಯುತ್ತಾರೆ ಎಂಬುದನ್ನು ಕುರಿತು ವಿವೇಚಿಸುತ್ತದೆ. ಮಕ್ಕಳು ಹೇಗೆ ಕಲಿಯುತ್ತಾರೆ ಎಂಬುದನ್ನು ತಿಳಿಯುವ ಮುನ್ನ ಅವರು ಯಾವ ರೀತಿಯ ವಿಷಯವನ್ನು ಕಲಿಯಲೆಂದು ನಾವು ಬಯಸುತ್ತೇವೆ ಎಂದು ಚರ್ಚಿಸುವುದು ಮುಖ್ಯ ಎಂಬುದು ಈ ಲೇಖನದ ಪ್ರತಿಪಾದನೆಯಾಗಿದೆ. ಇದರಲ್ಲಿ ಮುಖ್ಯವಾಗಿ ಪರಿಕಲ್ಪನಾತ್ಮಕ ಕಲಿಕೆ ಮತ್ತು ಕಾರ್ಯ ವಿಧಾನಾತ್ಮಕ ಕಲಿಕೆಗಳನ್ನು ಚರ್ಚಿಸಲಾಗಿದೆ. ಸಾಕಷ್ಟು ಉದಾಹರಣೆಗಳೊಂದಿಗೆ ಈ ಎರಡು ವಿಧಾನಗಳ ಕಲಿಕೆಯ ಸ್ವರೂಪವನ್ನು ನಿರೂಪಿಸಲಾಗಿದೆ. ಇದರಲ್ಲಿ ಶಿಕ್ಷಕರಿಗೆ ಸಂಶೋಧನೆಗಳನ್ನು ಆಧರಿಸಿದ ಸಲಹೆಗಳಿವೆ. ವಿದ್ಯಾರ್ಥಿಗಳು ಅನೌಪಚಾರಿಕ ತಾರ್ಕಿಕ ಕೌಶಲಗಳನ್ನು ಗಳಿಸುವ ಮಹತ್ವದ ಬಗೆಗಿನ ಸಂಶೋಧನೆಯ ಹಲವು ಒಳನೋಟಗಳಿವೆ. ಸಂರಚನಾವಾದ, ಪರಿಕಲ್ಪನಾತ್ಮಕ ಬದಲಾವಣೆ, ಅನ್ವೇಷಣಾ ಕಲಿಕೆ, ಕಾರ್ಯವಿಧಾನಾತ್ಮಕ ಜ್ಞಾನ, ಕೌಶಲ ಕಲಿಕೆ, ಸಂದರ್ಭಾಧಾರಿತ ತಾರ್ಕಿಕತೆ ಮುಂತಾದ ಪರಿಕಲ್ಪನೆಗಳ ವಿಸ್ತೃತ ವಿವರಣೆ ಇದೆ.