ಸಾಧಾರಣ ಜನ, ಅಸಾಧಾರಣ ಶಿಕ್ಷಕರು-ಭಾರತದ ನಿಜವಾದ ಧೀರರು

ಭಾರತೀಯ ಸಂದರ್ಭದಲ್ಲಿ, ಸರ್ಕಾರಿ ಶಾಲೆಗಳು ತನ್ನ ಎಲ್ಲಾ ಅರ್ಥಗಳಲ್ಲಿಯೂ ನಿಜವಾದ ಸಾರ್ವಜನಿಕ ಶಾಲೆಗಳಾಗಿವೆ. ಇದು ಅವಕಾಶ ವಂಚಿತ ಮತ್ತು ಕಷ್ಟಕರ ಸನ್ನಿವೇಶದಲ್ಲಿರುವ ಮಕ್ಕಳಿಗೂ ಶಿಕ್ಷಣವನ್ನು ಒದಗಿಸುತ್ತದೆ. ಆದರೆ ಸರ್ಕಾರಿ ಶಾಲೆ ಮತ್ತು ಅದರ ಶಿಕ್ಷಕರ ಕುರಿತು ಮಾತನಾಡುವ ಬಹುತೇಕರ ಧ್ವನಿಯು ನೇತ್ಯಾತ್ಮಕವಾಗಿಯೇ ಇರುತ್ತದೆ. ಸರ್ಕಾರಿ ಶಾಲೆಗಳ ಸಕಲ ವೈಪಲ್ಯಗಳಿಗೆ ಅಲ್ಲಿನ ಶಿಕ್ಷಕರನ್ನೇ ಹೊಣೆಯಾಗಿಸಲಾಗುತ್ತದೆ. ಇಂತಹ ಗ್ರಹಿಕೆಗಳಿಗೆ ಪ್ರತಿಯಾಗಿ ಈ ಪುಸ್ತಕವು ಸರ್ಕಾರಿ ಶಾಲೆಗಳಲ್ಲಿ ಕೆಲಸ ಮಾಡುತ್ತಿರುವ ಆದರ್ಶಪ್ರಾಯ ಮತ್ತು ಸ್ಪೂರ್ತಿಧಾಯಕ ಶಿಕ್ಷಕರ ಕಥನವನ್ನು ಮಂಡಿಸುತ್ತದೆ. ವ್ಯವಸ್ಥೆಯ ಇತಿಮಿತಿಗಳಲ್ಲಿಯೇ, ತಮ್ಮ ಆರೈಕೆಯಲ್ಲಿರುವ ಮಕ್ಕಳ ಏಳಿಗೆಗೆ ತಮ್ಮನ್ನು ತಾವು ಸಮರ್ಪಿಸಿಕೊಂಡಿರುವ ಶಿಕ್ಷಕರ ಕಥನಗಳನ್ನು ಈ ಪುಸ್ತಕ ತೆರೆದಿಡುತ್ತದೆ. ಮೂರು ರಾಜ್ಯಗಳ (ಉತ್ತರಾಖಂಡ್, ರಾಜಸ್ಥಾನ, ಕರ್ನಾಟಕ) ವಿವಿಧ ಜಿಲ್ಲೆಗಳಲ್ಲಿನ ನೂರ ಹತ್ತು ಶಾಲೆಗಳಿಗೆ ಭೇಟಿ ನೀಡಿ ಸಾಧಾರಣ ಮನುಷ್ಯರಾದರೂ, ಸ್ವಯಂ ಸ್ಪೂರ್ತಿಯಿಂದ, ಒಗ್ಗಟ್ಟು, ಸಮತೆ ಮತ್ತು ಗುಣಮಟ್ಟದಲ್ಲಿ ನಂಬಿಕೆಯಿಟ್ಟು ಚಿಂತನಾಶೀಲರಾಗಿ ಕಾರ್ಯ ನಿರ್ವಹಿಸುತ್ತಿರುವ ಅಸಾಧಾರಣ ಶಿಕ್ಷಕರ ಕಥನವೇ ಈ ಪುಸ್ತಕ. ಇಂತಹ ಶಿಕ್ಷಕರನ್ನು ಈ ಪುಸ್ತಕವು ಭಾರತದ ನಿಜವಾದ ಧೀರರು ಎಂದು ಬಣ್ಣಿಸುತ್ತದೆ.