ನನ್ನ ಶಾಲೆ ಚೆನ್ನಾಗಿದೆಯೇ? ನನ್ನ ಮಕ್ಕಳೂ ಇಲ್ಲಿ ಓದುತ್ತಾರೆ!

ಒಂದು ಶಾಲೆ ಬೆಳೆಯಲು ಶಿಕ್ಷಕರು, ವಿದ್ಯಾರ್ಥಿಗಳಿದ್ದರೆ ಅಷ್ಟೇ ಸಾಕೆ? ಒಂದು ಶಾಲೆ ನಿಜವಾದ ಅರ್ಥದಲ್ಲಿ ಬೆಳೆಯಬೇಕೆಂದರೆ ಅದು ಸಮುದಾಯದೊಡನೆ ಒಳ್ಳೆ ಸಂಬಂಧ ಹೊಂದಿರಬೇಕು, ಅದಕ್ಕೂ ಮುನ್ನ ಆ ಸಮುದಾಯಕ್ಕೆ ಶಾಲೆಯ ಮಹತ್ವದ ಅರಿವು ಚೆನ್ನಾಗಿ ಮೂಡಿರಬೇಕು. ಈ ಲೇಖನದಲ್ಲಿ ಯಾದಗಿರಿ ಜಿಲ್ಲೆಯ ಕೋಳೂರಿನ ಸರ್ಕಾರೀ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕರಾದ ಅಯೂಬ್ ಖಾನ್ ಅವರ ನಿರ್ವಹಣಾ ಕೌಶಲ್ಯದಿಂದ ಹೇಗೆ ಸೊರಗಿ ಹೋಗಿದ್ದ ಶಾಲೆಯೊಂದು ಮಾದರಿ ಶಾಲೆಯಾಗಿ ಪರಿವರ್ತನೆಗೊಂಡಿತು ಎಂಬುದನ್ನು ಚಿತ್ರಿಸಲಾಗಿದೆ. ಇದಕ್ಕೂ ಮುಂಚೆ ಕನ್ನೆಲ್ಲಿಯ ಶಾಲೆಯನ್ನು ಅಭಿವೃದ್ಧಿಪಡಿಸಿದ್ದ ಅನುಭವವಿದ್ದ ಅಯೂಬ್ ಖಾನ್ ಅವರು ಹೇಗೆ ಕೋಳೂರಿನ ಶಾಲೆಯ ಸ್ಥಿತಿಗತಿಯನ್ನು ಚೆನ್ನಾಗಿ ಅರ್ಥ ಮಾಡಿಕೊಂಡು, ಒಂದೊಂದಾಗಿ ಸಮಸ್ಯೆಗಳನ್ನು ಪರಿಹರಿಸಿಕೊಳ್ಳುತ್ತ ಬಂದು, ಸಮುದಾಯದೊಡನೆ ವಿವಿಧ ರೀತಿಯ ಸಂವಹನಗಳಿಂದ ಒಳ್ಳೆಯ ಸಂಬಂಧವನ್ನು ಹೊಂದಿ, ಇತರ ಶಾಲೆಯ ಶಿಕ್ಷಕರು ಕೋಳೂರಿನ ಶಾಲೆಯನ್ನು ಮಾದರಿಯಾಗಿ ತೆಗೆದುಕೊಳ್ಳುವಂತೆ ಮಾಡಿದ ಪ್ರಗತಿ ಪಥದ ಬಗ್ಗೆ ಈ ಲೇಖನ ಸವಿಸ್ತಾರವಾಗಿ ಚರ್ಚಿಸುತ್ತದೆ.