ಜಾಗತೀಕರಣ, ಶಿಕ್ಷಣ ಮತ್ತು ಸಮಾಜ

ಶಿಕ್ಷಣ ಮತ್ತು ಸಮಾಜದ ಮೇಲೆ ಜಾಗತೀಕರಣದ ಪ್ರಭಾವವು ಆಗಾಧವಾದುದ್ದು, ಅದು ಉಂಟುಮಾಡುತ್ತಿರುವ ಸಾಧಕ- ಭಾದಕಗಳನ್ನು ಕಂಡುಕೊಳ್ಳುವುದು ಅಷ್ಟು ಸುಲಭವಾದ ವಿಚಾರವೇನಲ್ಲ. ಈ ಕ್ಷೇತ್ರದಲ್ಲಿ ಹಲವು ವರ್ಷಗಳಿಂದ ಪರಿಶ್ರಮ ಹೊಂದಿರುವವರು ಮಾತ್ರ ಇಂತಹ ಆಗಾಧ ಮತ್ತು ಸೂಕ್ಷ್ಮ ಬದಲಾವಣೆಗಳನ್ನು ಗುರುತಿಸಲು ಸಾಧ್ಯ. ಇಂಥಹ ಒಂದು ಸಾರ್ಥಕ ಪ್ರಯತ್ನವೇ ಈ ಪುಸ್ತಕ. ಮುಖ್ಯವಾಗಿ ಈ ಪುಸ್ತಕವು ಪ್ರಸ್ತುತ ಸನ್ನಿವೇಶದಲ್ಲಿ ಜಾಗತೀಕರಣದಿಂದ ಸ್ಥಳೀಯತೆ ಮೇಲೆ ಆಗುತ್ತಿರುವ ಮತ್ತು ಇವು ಶಿಕ್ಷಣದ ಮೇಲೆ ಉಂಟುಮಾಡುತ್ತಿರುವ ಪ್ರಭಾವಗಳನ್ನು ಮುಖ್ಯವಾಗಿ ಪರಿಶೀಲಿಸುತ್ತದೆ. ಜೊತೆಗೆ ಇವುಗಳೊಂದಿಗೆ ತಳಕು ಹಾಕಿಕೊಂಡಿರುವ ತಾಂತ್ರಿಕ ಪ್ರಗತಿಗಳ ಸಾಧ್ಯತೆಗಳು, ಪಾಶ್ಚಿಮಾತ್ಯ ಸಂಸ್ಕೃತಿಗಳ ಮಾರುಕಟ್ಟೆಯ ನಿಯಂತ್ರಣದ ಪ್ರಭಾವಗಳು, ಮನುಷ್ಯರ ಬದುಕು, ಪರಿಸರ, ವ್ಯಕ್ತಿತ್ವ, ಸಾಧಿಸಬೇಕಿರುವ ಆದರ್ಶಗಳು, ಸಂಸ್ಕೃತಿ ಎಲ್ಲವೂ ಶಿಕ್ಷಣದ ಜೊತೆಗೆ ಸಂಬಂಧ ಹೊಂದಿರುವುದರಿಂದ ಜಾಗತೀಕರಣದ ಸಂದರ್ಭದಲ್ಲಿ ಈ ಎಲ್ಲಾ ವಿಚಾರಗಳನ್ನು ಈ ಪುಸ್ತಕವು ಶಿಕ್ಷಣದ ಹಿನ್ನಲೆಯಲ್ಲಿಯೇ ಚರ್ಚಿಸುತ್ತದೆ. ಲೇಖಕರಿಗೆ ಈ ಕ್ಷೇತ್ರದ ಕುರಿತಾಗಿ ತಮ್ಮದೇ ಅನುಭವದ ನೆಲೆಯೂ ಇರುವುದರಿಂದ ಶೈಕ್ಷಣಿಕ ಕ್ಷೇತ್ರ ಎದುರಿಸುತ್ತಿರುವ ನೈತಿಕ ಬಿಕ್ಕಟ್ಟುಗಳನ್ನು ಗುರುತಿಸಿ ಅವಕ್ಕೆ ತಮ್ಮದೇ ರೀತಿಯಲ್ಲಿ ಪರಿಹಾರಗಳನ್ನು ಸೂಚಿಸಲು ಸಾಧ್ಯವಾಗಿದೆ. ಅಲ್ಲದೇ ಈ ಪುಸ್ತಕವು ಶಿಕ್ಷಣ ಕ್ಷೇತ್ರದಲ್ಲಿ ಕೆಲಸಮಾಡುತ್ತಿರುವವರಿಗೆ ಈ ವಿಚಾರಗಳ ಕುರಿತು ಆಲೋಚಿಸುವಂತೆಯೂ ಪ್ರೇರೇಪಿಸುತ್ತದೆ.