ಶಿಶುಕೇಂದ್ರಿತ ಶಿಕ್ಷಣ

ಪ್ರಸ್ತುತ ಮಕ್ಕಳನ್ನು ಗ್ರಹಿಸುವ ರೀತಿ, ಶಿಕ್ಷಣ ನೀಡುವ ವಿಧಾನ ಮತ್ತು ಶಿಕ್ಷಕರ ಪಾತ್ರವನ್ನು ಟೀಕಿಸುತ್ತಾ ಈ ಅಧ್ಯಾಯವು ಶಿಕ್ಷಣವು ಶಿಶುಕೇಂದ್ರಿತ, ಅನುಭವಾತ್ಮಕ, ಅನಿರ್ಬಂಧಿತ ಮತ್ತು ಸಂತೋಷ ಕೊಡುವ ಪ್ರಕ್ರಿಯೆಯಾಗಿ ಇರಬೇಕಾದ ಅಗತ್ಯತೆಯ ಬಗ್ಗೆ ಒತ್ತಿ ಹೇಳುತ್ತದೆ. ಅಲ್ಲದೆ ಶಿಕ್ಷಣದ ಉದ್ದೇಶವು ದಿನನಿತ್ಯದ ಬದುಕಿಗೆ ಸ್ಪಂದಿಸುವಂತಹ ಒಂದು ಸಮಗ್ರ ಜೀವನದೃಷ್ಟಿಯನ್ನು ಉತ್ತೇಜಿಸುವಂತದ್ದಾಗಿರಬೇಕು ಎಂಬುದರ ಬಗ್ಗೆ ಸ್ಪಷ್ಟವಾಗಿದೆ. ಈ ಹಿನ್ನಲೆಯಲ್ಲಿ, ಪಠ್ಯ ಪುಸ್ತಕದ ಪಾತ್ರ, ಬೋಧನೆಗೆ ಅಳವಡಿಸಿಕೊಳ್ಳುವ ಭಾಷಾ ಮಾಧ್ಯಮ ಮತ್ತು ಅದರ ಪಾತ್ರ, ಮಾತೃಭಾಷೆ ಮತ್ತು ಮಕ್ಕಳ ಹಕ್ಕುಗಳು, ಭಾಷೆ ಮತ್ತು ಸಂಸ್ಕೃತಿಯ ನಡುವಿನ ಸಂಬಂಧ, ಇಂಗ್ಲಿಷ್‌ ಭಾಷೆಯ ಪಾತ್ರ ಮತ್ತು ಪ್ರಗತಿ ಸಾಧಿಸುವುದರಲ್ಲಿ ಅದರ ಅನಿವಾರ್ಯತೆಯನ್ನು ಪರಿಶೀಲಿಸುತ್ತದೆ.