ಶಿಕ್ಷಣ ಮತ್ತು ಬದುಕು

ಇಲ್ಲಿ ಲೇಖಕರು ಇಂದಿನ ಶಿಕ್ಷಣ ವ್ಯವಸ್ಥೆಯನ್ನು ವಿಶ್ಲೇಷಿಸುತ್ತಿದ್ದಾರೆ. ನಾವೆಲ್ಲ ಭೌತಿಕ ವಸ್ತುಗಳ ಗಳಿಕೆಯ ಹಿಂದೆ ಬಿದ್ದು ಅಸಹಜವಾದುದೇ ಶ್ರೇಷ್ಠ ಎಂಬ ಭ್ರಮೆಯಲ್ಲಿ ಬದುಕುತ್ತಿದ್ದೇವೆ ಮತ್ತು ಶಿಕ್ಷಣದ ಮೂಲಕ ಅದನ್ನೇ ಸ್ಥಾಪಿಸುತ್ತಿದ್ದೇವೆ. ಶಾಲೆಗಳು ಜ್ಞಾನವನ್ನು ಮಾರುವ ಮಾರುಕಟ್ಟೆಗಳಾಗಿವೆ. ಕೃಷಿ ಮಾಡುವುದು ಲಾಭದಾಯಕವಲ್ಲವೆಂಬ ಭಾವನೆ ವ್ಯಾಪಕವಾಗಿ ಬೆಳೆಯುತ್ತಿದೆ. ಹೀಗಾದರೆ ಮುಂದಿನ ಪೀಳಿಗೆಗೆ ನಾವು ಬಿಟ್ಟು ಹೋಗುವ ಮೌಲ್ಯಗಳಾದರೂ ಎಂಥವು ಎಂದು ನಾವೀಗ ಗಂಭೀರವಾಗಿ ಕೇಳಿಕೊಳ್ಳಬೇಕಾಗಿದೆ ಮತ್ತು ನಮ್ಮ ಮಕ್ಕಳಿಗೆ ಸಹಜವಾಗಿ ಬದುಕುವುದರಲ್ಲಿರುವ ಸೌಂದರ್ಯವನ್ನು ಕಲಿಸಿಕೊಡಬೇಕಾಗಿದೆ ಎಂದು ಕಳಕಳಿಯ ಮನವಿ ಮಾಡುವುದರೊದಿಗೆ ಅದಕ್ಕೊಂದು ಪರ್ಯಾಯವನ್ನೂ ಸೂಚಿಸುತ್ತಿದ್ದಾರೆ.