ಶಾಲೆಗೆ ಶುದ್ಧ ಕುಡಿಯುವ ನೀರಿನ ಘಟಕ ಸಿಗದಿದ್ದರೆ ನಾನು ಶಾಲೆಯನ್ನೇ ಬಿಡುವೆ

ಬಸವನಗೌಡನವರು ಹುಣಸಗಿಯ ಸರ್ಕಾರೀ ಮಾದರಿ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕರಾಗಿ ಬಂದ ಸಮಯದಲ್ಲಿ ಹಲವಾರು ಅವ್ಯವಸ್ಥೆಗಳನ್ನೆದುರಿಸಬೇಕಾಯಿತು. ಆಗದವರಿಂದ ಬಂದ ಆರೋಪದ ಮೇಲೆ ಪೊಲೀಸರಿಂದ ವಿಚಾರಣೆಯನ್ನು ಕೂಡ ಎದುರಿಸಬೇಕಾಯಿತು. ಯಾವುದಕ್ಕೂ ಬಗ್ಗದೆ, ಎಲ್ಲವನ್ನೂ ಸವಾಲಾಗಿ ಸ್ವೀಕರಿಸಿದ ಬಸವನಗೌಡನವರು ಮೊದಲಿಗೆ ಪೋಷಕರ, ಸಮುದಾಯದ ವಿಶ್ವಾಸ ಗಳಿಸಿಕೊಂಡು ಹಂತ ಹಂತವಾಗಿ ಶಾಲೆಯನ್ನು ಅಭಿವೃದ್ಧಿಪಡಿಸುತ್ತ ಬಂದರು. ಇಷ್ಟಾದರೂ ಹೊಸ ವಿಷಯಗಳನ್ನು ಕಲಿಯುವತ್ತ ಆಸಕ್ತಿಯುಳ್ಳ ಬಸವಗೌಡರ ಸತತ ಪರಿಶ್ರಮ, ಅದರ ಪರಿಣಾಮವಾಗಿ ಶಾಲೆಯಲ್ಲುಂಟಾದ ಸಕಾರಾತ್ಮಕ ಬದಲಾವಣೆಗಳ ಬಗ್ಗೆ ಈ ಲೇಖನ ವಿಸ್ತಾರವಾಗಿ ಚರ್ಚಿಸುತ್ತದೆ.