ನಾನು ಪಠ್ಯಕ್ರಮ ಮತ್ತು ಪಠ್ಯಪುಸ್ತಕದ ಯಜಮಾನಿ

ಬಹುತೇಕ ಶಿಕ್ಷಕರ ಸಾಮಾನ್ಯ ಬೋಧನಾ ಪದ್ಧತಿಯೆಂದರೆ ಪಠ್ಯಕ್ರಮ ಮತ್ತು ಪಠ್ಯಪುಸ್ತಕದ ಅನುಸಾರ ಒಂದು ಸೀಮಿತ ಚೌಕಟ್ಟಿನಲ್ಲಿ ಪಾಠ ಮಾಡುವುದು . ಲೇಖನದಲ್ಲಿ ಬರುವ ಶಿಖಾ ಗಂಗ್ವಾರ್ ಅವರು ಕೂಡ ಇದನ್ನೇ ಬಹಳ ವರ್ಷಗಳ ಕಾಲ ನಂಬಿಕೊಂಡಿದ್ದರು. ಬೋಧನೆಯ ಬಗೆಗಿನ ಒಂದು ಕಾರ್ಯಾಗಾರದಲ್ಲಿ ಭಾಗವಹಿಸಿದ ಮೇಲೆ ಅವರ ಯೋಚನೆಯ ದಿಕ್ಕೇ ಬದಲಾಯಿತು. ಪಠ್ಯಕ್ರಮದ ಅಡಿಯಾಳಾಗಿರುವುದಕ್ಕಿಂತ ಪಠ್ಯಕ್ರಮವನ್ನು ತನ್ನ ಪ್ರಕಾರ ದುಡಿಸಿಕೊಳ್ಳಬೇಕು ಎಂಬ ನಿಲುವಿನ ಶಿಖಾ ಅವರ ಬೋಧನಾಕ್ರಮದಿಂದ ಎಲ್ಲ ರೀತಿಯ ಗ್ರಹಣಶಕ್ತಿಯ ಮಕ್ಕಳಿಗೂ ಹೇಗೆ ಅನುಕೂಲವಾಗಿದೆ ಎಂಬುದನ್ನು ಈ ಲೇಖನ ಬಹಳ ಚೆನ್ನಾಗಿ ಕಟ್ಟಿಕೊಡುತ್ತದೆ.